2021-ci ilin yanvar-sentyabr aylarında Əmək və Əhalinin Sosial Müdafiəsi Nazirliyinin elektron xidmətlərinə  11,5 milyon müraciət qeydə alınıb.

Müraciətlərə əsasən əmək münasibətləri, məşğulluq, sosial müdafiə və sosial təminat, sosial sığorta, əlillik və reabilitasiya, övladlığagötürmə və s. üzrə vətəndaşlara xidmətlərin göstərilməsi təmin olunub.

Ümumi olaraq isə  Nazirlik üzrə 170 xidmətdən 105-i e-platforma üzərindən həyata keçirilir. Bu e-xidmətlərin böyük hissəsi sosial təminat sahələri ilə əlaqədardır. Həmçinin 44 e-xidmət proaktiv qaydada (şəxsin sosial təminat növünə hüququ yarandığı halda bu hüququn müraciət olunmadan və sənəd təqdim edilmədən avtomatik reallaşdırılması) xidmətlərin göstərilməsini təmin edir.

Hazırda qurumun fəaliyyət sahələri üzrə daha 56 xidmətin də elektronlaşdırılması üçün işlər davam etdirilir. Onlardan 20-ə qədəri isə proaktiv xidmətlər olacaq.